افغان پست نوې لوګو

د مخابراتو او معلوماتی ټکنالوجۍ وزیر محترم شهزاد آريوبي د افغان پُسټ ادارې د عصري سازۍ او ددغه رياست د نوې لوګو او برنډنګ د پرانېستې مراسمو کې برخه واخیسته.

محترم آريوبي وویل، د افغان پُست ادارې د پُستي خدمتونو عصري کولو پروژې د پېل سره سم مو وغوښتل چی د افغان پُست په لوګو او برنډ کی بدلون راولو، تر څو ددغې ادارې د ماموریت او موخو ښکارندوی وي.

د مخابراتو او معلوماتي ټکنالوجۍ وزیر په خبره، ددغه ادارې اعلانونو ته يې یو ځانګړی رنګ وټاکه چی د پُست د منل شویو معیارونو سره سم دی، ترڅو هېوادوالو سره د دغه ادارې په پیژندلو کې مرسته وکړي او د پیریدونکو د توجه وړ وګرځی.